tg-me.com/mamosta_qani/15055
Last Update:
سەیرکە،
سەیرکە خۆشەویستی بەرەو چ دەریایەکی بردین؛
عەشق
سەختترە لە خەیاڵ،
سەختترە لە جەنگ،
سەختترە لە گۆرانی وتن لە ژوورەکانی مردندا؛
دوای تێپەڕین لە دواهەمین پاسەوان،
کە دواهەمین هەناسەمان دەبا؛
بەڵام من وەک سێحربازێ مسقاڵی ئەم زەرنیخەم لەسەر تەرازووی ئەم بازاڕە بۆ ناکێشرێ...
عەشق جەنگە،
بەڵام ئێرە بازاڕی خیانەتە...!!!
من وەک سێحربازێک بۆنی زەردەخەنەی جەنگەڵەکان لە لێوم ئەهات؛
بەڵام فێر بووم بەم دەمامکە سپییانەوە،
خۆم لە پیاوە شەڕانگێزەکان ون بکەم و
لە ناو بازاڕی ئاسنینی ئەم پیاوە زرێپۆشانەدا دەفتەرەکانی مناڵیم بدڕم و بڵێم:
عەشق گەمەی مناڵانە و من گەورە بووم و بێگوناهم
ئەی یار! خۆشەویستی فێری چ درۆیەکی کردین...!!!!
#بەختیار_عەلی
ــــــــــــــــــــــــــــ
BY مامۆستا قانع
Warning: Undefined variable $i in /var/www/tg-me/post.php on line 280
Share with your friend now:
tg-me.com/mamosta_qani/15055